Ал эми коомдо түрдүүчө пикир жаратып жаткан наам боюнча Маданият жана маалымат министри Түгөлбай Казаков мамлекеттик сыйлыктар тууралуу жаңы мыйзам кабыл алынганын айтып, жакында эле сыйлык алгандардын бир тобу министрликтин комиссиясынан өтпөгөнүн баса белгиледи.
"Биз сыйлыкка көрсөткөн кишилер карала элек. Сыйлык берилгендердин бир тобу биздин комиссиядан өткөн эмес. Негизи мамлекеттик сыйлыкка башка жактан дагы көрсөтүлөт. Мисалы, облустук администрациялардан, Жогорку Кеңештен, телерадиокомпаниялардан түз көрсөтүлөт", — деди Казаков.
Ал ошондой эле министрлик аркылуу өткөн гана кишилерге түшүндүрмө бере аларын айтып, эмнегедир азыр сыйлык берилгендердин бардыгына министр жооптуу болуп калып жатканын айтты.
Мамлекеттик сыйлык тууралуу кеңири макаланы Sputnik Кыргызстан агенттиги даярдаган материалдан окуңуздар>>
