БИШКЕК, 4-сен. — Sputnik. Британиядагы Сент-Эндрюс университетинин окумуштуулары байыртадан бери белгилүү болгон шахмат талаасындагы баш катырманы чечкендерге миллион доллар бере турганын жар салды. Бул тууралуу РИА Новости жазып чыкты.
Сегиз ханыша (ферзь) тууралуу баш катырма 1850-жылдан бери белгилүү. Анын маңызы кадимки 64 клеткалуу шахмат талаасына сегиз ханышаны бири-бирине коопсуз кылып тизүү болуп саналат. Бул тапшырманы адам баласы чече алат. Ал эми аны оорлоштурганда компьютер жардамга келет. Бирок 1 миллион клеткалуу (узуну 1000, туурасы 1000) шахмат талаасына 1000 ханыша тизилгенде компьютердин программасы иштебей калат.
Ушундан улам илимпоздор тапшырманы чечүү алгоритмин ойлоп табууга же баш катырма чечилбей турганын далилдөөгө сынак жарыялады. Алардын айтымында, бул тапшырманы чечкен адам башка маанилүү маселелерди чечүүгө жарайт.
