БИШКЕК, 26-авг. — Sputnik. Бишкекте "Каракчылыкка жол жок" аттуу акция өтөт. Бул тууралуу Кыргызпатенттин инспекторлук бөлүмүнүн башчысы Аскар Нажимудинов Sputnik Кыргызстан радиосуна маек куруп жатып билдирди.
Анын айтымында, акция интеллектуалдык менчикти коргоого багытталат.
"2017-жылдын 4-сентябрь күнү Бишкек шаарындагы "Октябрь" кинотеатрынын жанында "Каракчылыкка жол жок" аттуу акция өтөт. Иш-чара Кыргызпатент тарабынан "Антиконтрафакт — 2017" эл аралык форумунун алкагында уюштурулууда. Акциянын жүрүшүндө эстрада жылдыздарынын катышуусунда концерт өтүп, викторина, оюн-зооктор болот. Ага катышкандарга баалуу белектер берилет", — деди Нажимудинов.
Ал иш-чара саат 15:00дө башталарын айтып, ага баардык каалоочулар катыша ала турганын кошумчалады.
