БИШКЕК, 18-авг. — Sputnik. Жыл башынан бери Индиянын Гуджарат штатында 220 киши чочко тумоосунан каза болгонун РИА Новости агенттиги Hindustan Times басылмасына таянуу менен билдирди.
Буга чейин 75 кишинин каза болгону маалымдалган эле.
17-августта алынган кабарга караганда, жыл жаңыргандан бери штатта чочко тумоосуна чалдыккан эки миңден ашык учур катталып, анын ичинен 220 киши каза болгон. Азыр 1,1 миңден ашык киши дарыланууда.
Тумоонун тездик менен жайылып баратканын айткан штаттын жетекчилиги калк арасында түшүндүрүү иштерин жүргүзүп жатат.
Адистердин айтымында, чочко тумоосунун вирусу мутация болуп, дары-дармекке туруктуу болуп калган.
2009-жылы жайылган вирустан улам Индияда түрдүү маалыматтар боюнча 1,8 миң кишиден 2,7 кишиге чейин каза болгон. Ал эми 2015-жылы бул дарт дүйнө жүзү боюнча 3 миң кишинин өмүрүн алган.
