БИШКЕК, 15-авг. — Sputnik. Мындан үч күн мурун, 12-августта кыргыз-казак чек арасындагы жаңжал Казакстан мамлекетинин аймагында болгон. Бул тууралуу Sputnik Кыргызстан агенттигине Мамлекеттик чек ара кызматы билдирди.
Эскерте кетсек, 12-август күнү кечинде кыргыз-казак чек арасынан 15ге чукул белгисиз адам оролгон зымдан өтүүгө аракет кылып жаткан жеринен кармалган. Бирок алар чек арачыларга каршылык көрсөтүп, күзөтчүлөрдүн ден соолугуна залака тийгизген. Мындан улам чек арачылар ок чыгарып бирөөсүн жарадар кылган. Ошентсе да алар качып кетүүгө үлгүргөн. Кийинчерээк жаракат алган адам көз жумганы маалым болгон.
"Коңшу өлкөнүн аймагында болгон чырга КР жарандарынын тиешеси жок", — деп айтылат билдирүүдө.
Атышуудан каза болгон киши Казакстандын жараны экени ошондо эле белгилүү болгон.
