БИШКЕК, 15-авг. — Sputnik. Бишкекте үч өлкөнүн футбол боюнча кыздардан турган курама командалары күч сынашат. Бул тууралуу өлкөнүн Футбол федерациясы кабарлады.
Маалыматка ылайык, борбор калаада 15-августта "Үч улуттун кубогу" аталышындагы эл аралык турнир башталат. Ага Казакстан, Кыргызстан жана Өзбекстандын футбол боюнча кыздар курама командалары катышат. Анда спотчулар федерациянын оюн талаасында кездешип, беттештер 20-августка чейин өтөт.
