БИШКЕК, 8-июл. — Sputnik. Германиянын "Боруссия" футбол клубунун оюнчусу Александр Мищенко Кыргызстандын жаштар курамасында ойной баштайт. Бул тууралуу "Дордой" клубунун маалымат кызматы кабарлады.
Билдирүүгө ылайык, Мищенко 2018-жылдын соңуна чейин "Дордой" клубу менен келишим түздү. Ал эми Кыргызстандын жаштар курама командасында ойноп, оюн талаасына жети саны менен чыгат.
Буга чейин 19 жаштагы футболчу германиялык бир катар футбол командаларында жарым коргоочу болгон. Ошондой эле ал 2014-жылдан бери "Боруссия" клубунун курамында ойноп келген.
