БИШКЕК, 6-июл. — Sputnik. Кыргызстандын футбол боюнча курама командасы эми беш тепкичке көтөрүлүп, 127-орунду ээледи.
Июлдагы рейтинг бейшемби күнү жарыяланды.
Рейтингде Россияда өткөн Конфедерация кубогундагы жеңишинен кийин Германия Бразилия менен Аргентинаны артта калтырып, азыр биринчи орунга чыкты.
Айдын эң начар командасы деп намибиялык спортчулар аталып, 156-орунда калды. Жакшы көрсөткүч жараткан деп Андорра шаарынын командасын аныкташты. Алар 57 позицияга көтөрүлүп, 129-орунду камсыздашкан.
Борбор Азиянын командаларынын ичинен сап башында Өзбекстан (65-орун), андан кийин Казакстан (106-орун), анын артында Кыргызстан (127-орун), Түркмөнстан (137-орун) жана 149-сапта Тажикстан келе жатат.
Рейтингдин кезектеги жаңылануусу 10-августта болот.
