БИШКЕК, 3-июл. — Sputnik. Чүй, Талас облустары менен Бишкектин бир катар аймактарында жарык өчүрүлөт. Бул тууралуу Улуттук энергохолдингден билдиришти.
Маалыматка ылайык, 3-июлда Чүй облусунун Садовое, Дачное, Ленин, Виноградное, Полевое, Привойное, Бирлик, Гроздь, Новопокровка, Военно-Антоновка, Ак-Жол, Фрунзе, Ак-Суу, Керамика, Сахзавод айылдары менен Биримдик-Кут жаңы конушунда жарык өчөт. Андан сырткары Талас облусунун Боо-Терек айылында 09.00дөн 18.00гө чейин электр кубаты жок болот.
Ошондой эле оңдоо иштерине байланыштуу Бишкек шаарынын Аламүдүн-1 кичи районунда, Аска-Таш жаңы конушунда, Элебаев, Медеров, Байтик баатыр, Белорусь, Карадарыя, Скрябин, Юнусалиев, Кропоткина, Матросов, Бийская, Строительная, Роза Люксембург, Челюскина, Лазурная көчөлөрүндө жарык берүү үзгүлтүккө учурайт.
