БИШКЕК, 13-июн. — Sputnik. Борбор калаада жаккан электр энергиясынын каражатын өз убагында төлөбөгөн 2000ден ашык абонент өчүрүлдү. Бул тууралуу Улуттук энергохолдингден кабарлашты.
Ага ылайык, борбор калаада "Түндүкэлектро" ачык акционердик коомунун электр жарыгы үчүн төлөбөгөн 2405 абоненти катталган. Карыз болгондордун көпчүлүгү Ленин жана Биринчи май районунун тургундары болуп чыкты. Алардын электр эсептегичтери 12-июнда дистанциондук түрдө өчүрүлдү.
Абонеттер карызын тез төлөсө, мекеме электр кубатын ошол замат күйгүзүп берет.
