БИШКЕК, 30-июн. — Sputnik. АКШ бийлиги өлкөгө кирүү боюнча "кара тизмедеги" алты мамлекеттин жарандары үчүн эң жакын адамдардын катарына сүйлөшкөн кыз жана сүйлөшкөн жигитти дагы кошуп бергендигин Рейтер агенттигине шилтеме берип РИА Новости жазды.
Мурдараак айтылгандай бул аралыкта АКШнын аймагына ал жерде ата-энеси, балдары жана бир туугандары барлар кире алмак. Америка бийлиги жакын адамдардын катарына чоң эне, чоң ата, аталаш туугандар жана сүйүү мамилесиндеги адамдарды киргизген эмес.
"Бирок бул суроо боюнча кошумча талкуулар болуп, жакын адамдардын катарына үйлөнүүнү көздөгөн кыз-жигиттерди дагы киргизүү чечими кабыл алынды", — деп жазат агенттик.
Анткени Гавайи штатынын жетекчилиги жакын туугандардын катары абдан эле тар деген нааразычылыгын билдирип, федералдык сотко кайрылган.
