БИШКЕК, 28-июн. — Sputnik. Борбордук шайлоо комиссиясы президенттикке талапкер болом деген дагы эки кишини каттады. Бул туурасында аталган ведомстводон кабарлашты.
Маалыматта алар талапкерлигин өздөрү көрсөткөндүгү айтылат.
Арыздардын бирин Жергиликтүү өндүрүшчүлөр ассоциациясынын төрагасы Бакыт Дегенбаев, экинчисин Бишкекте иш алып барган, латвиялык "Маро" деп аталган фирманын өкүлү Сайнидин Султанидинов берген.
Буга чейин арыздар Темир Сариевден, Өмүрбек Текебаевден, Назарбек Нышановдон, Арстанбек Абдылдаевден жана Рита Карасартовадан түшкөн. Булардын ичинен Сариевдин талапкерлиги саясий партиянын атынан көрсөтүлгөн. Кыргызстанда президенттик шайлоо 2017-жылдын 15-октябрында өтөт. Ал эми талапкерлерди сунуштоо 1-августа чейин созулат.
