БИШКЕК, 27-июн. — Sputnik. Кыргызстандык бийчилер Борбор Азиянын үчүнчү эл аралык бий олимпиадасында байгелүү орундарга жетишти. Бул тууралуу Маданият, маалымат жана туризм министрлигинин маалымат кызматы билдирди.
Олимпиаданын жыйынтыгы менен өлкө намысын коргоп барган Ысык-Ата райондук маданият үйүнүн бийчилери бир алтын, эки күмүш, бир коло медаль уткан.
Борбор Азиянын бий өнөрү боюнча олимпиадасына Кыргызстандан сырткары Россия, Казакстан, Белоруссия, Грузия, Армения, Өзбекстан, Тажикистан, Түркмөнстан, Индия, Пакистан, Иран, Афганистан, Монголия жана Кытай өлкөлөрү катышкан.
