БИШКЕК, 21-июн. — Sputnik. Таласта BMW унаасы менен Toyota Surf унаасы кагылышып, эки адам каза болду. Бул тууралуу ӨКМ билдирди.
Маалыматка ылайык, окуя Талас районуна караштуу Чат-Базар айылында болгон.
"Кырсыктан BMW унаасындагы эки адам каза болгон. Алардын бирөөсү ооруканга жеткенде жан берген", — деп жазылат маалыматта.
Экинчи унаанын айдоочусу жеңил жаракат алгандыктан алгачкы жардам менен чектелген.