БИШКЕК, 18-июн. — Sputnik. Толук адамдардын көптүгү боюнча Өзбекстан Орто Азияда алдыңкы орунда турат. Бул тууралу Sputnik Өзбекстан агенттиги New England Journal of Medicine журналына таянуу менен жазып чыкты.
"25 жыл ичинде 195 өлкөдө ашыкча салмактын ден соолукка тийгизген таасири" аттуу иликтөөнү америкалык окумуштуулар жүргүзгөн.
Иликтөөгө ылайык, Өзбекстанда жашагандардын 44,5 пайызы, казакстандыктардын 35,4 пайызы, Кыргызстанда күн кечиргендердин 30,7 пайызы ал эми тажикстандыктардын 15 пайызы толук адамдар.
Өзбекстанда толук адамдардын 17,5 пайызы гана эркектер болсо, калганы аялдар экендиги аныкталган.
Ал эми КМШ өлкөлөрүнүн ичинен Молдовада толук адамдар көп экенин белгилүү болгон.
