БИШКЕК, 17-июн. — Sputnik. Facebook тармагынын миңден ашуун модераторунун жеке маалыматтары программалык камсыздоодон кеткен катанын айынан террорчуларгае көрүнүп калышы мүмкүн экендигин Guardian гезитине таянып РИА Новости жазды.
Жашыруун маалыматтар зомбулук, терроризм жана порнографияга чакырык жасаган контентти издөө жана жок кылуу маалында капысынан тарап кеткен.
Маалыматка караганда "зыянкеч" колдонуучуларды табуу үчүн модераторлар колдонгон ички программада ката кетип калганы кийин билинген.
"Жабыр тарткан кызматкерлердин ичинен 40 адам Facebook тармагынын Европадагы офисинин терроризмге каршы бөлүмүндө иштешкен. Анын ичинен алтоонун коопсуздугуна чындап коркунуч жаралышы мүмкүн", — деп айтылат макалада.
Компаниядан программалык камсыздоодо мүчүлүштүк кеткенин такстыкташып, бул жаатта мындан ары ката кетирбөө үчүн иш-чаралар аткарылгандыгын билдиришти.
