БИШКЕК, 25-май — Sputnik. Интернетке жаңы iPhone 8дин видеосу жарыяланып кеткенин Business Insider басылмасы жазып чыкты.
Эч кимге белгисиз болгон жаңы телефондун видеосун латвиялык блоггер Вениамин Гескин өзүнүн Twitter социалдык тармагындагы баракчасына чыгарды. Гескин буга чейин да бир катар компаниянын жашыруун нерселерин жарыялап келгени менен белгилүү.
Exclusive: #iPhone8 Dummy Hands-On Video pic.twitter.com/1Ro6umrdpT
— Benjamin Geskin (@VenyaGeskin1) 23 мая 2017 г.
Видеодогу кадрларга караганда, жаңы телефондун арты дагы айнектен жасалган. Ал эми негизги камерасы туурасынан эмес, тик түрдө жайгашкан.
Гескин видеодогу телефон макет эмес, телефон заводдо акыркы үлгү катары жасалганын жазган. Business Insider басылмасы жаңы чыккан видео буга чейин телефон тууралуу тарап кеткен маалыматтарды тастыктаганын белгилейт.
