БИШКЕК, 19-май — Sputnik. Борбор калаанын 5-кичирайонундагы кудуктун айланасында аң-чөнөктөр пайда болуп, аны тургундар дөңгөлөктөр менен жаап койгон. Бул тууралуу жергиликтүү тургун Мария Орлова өзүнүн Facebook баракчасына жазды.
Анын айтымында, аң-чөнөктөр бир ай мурда пайда болгон. Жергиликтүү тургундар ага башка айдоочулар түшүп кетпесин деп үстүн дөңгөлөк менен жаап коюшкан.
"Жолду оңдогондон кийин кудуктун үстүн жаап коюуну унутуп калышыптыр. Казып ишти бүтүргөндөн кийин ошол бойдон калтырышкан", — деп жазат ал.
Sputnik Кыргызстан агенттигинин кабарчысы мэрия менен байланышканда, шаардык кызматтар кудукту оңдогонун, жаандан соң анын үстү кургагандан кийин башка иштер аткарыларын билдирди. Жакын арада аң-чөнөктөр оңдолот деп муниципалитеттен ишендиришти.
