Эске салсак, 11-майда Караколдон келе жаткан кичи автобус Нарын районундагы Оттук айылынын тургуну, 2-класстын окуучусу велосипед тээп чыкканда коюп кетип, бала алган жаракатынан каза тапкан.
Жол жабылгандан кийин ал жерге облустук бийликтин, Нарын облустук ички иштер башкармалыгынын жетекчилиги барган.
"Бул иш ИИМ жетекчилигинин көзөмөлүндө. Тиешелүү министрликтер менен сүйлөшүп, эл талап кылган жол тоскоолдуктарын коюп берүү боюнча уруксат алынган. Кечээ, 12-майда Оттук айылынын эки тарабына "түз эмес жол" деген жол белгилери коюлуп, айылдын жашоочулары суранган жерге ылдамдыкты азайтуучу тоскоолдуктар коюлуп, бүтүп, учурда ишке кирди", — деди Кайгуул милициясынын өкүлү.
Оторов Нарын — Бишкек, Нарын — Ат-Башы каттамындагы айдоочуларга жолго чыкканда жол эрежелерин сактап айдоо зарылдыгын эскертти.
