БИШКЕК, 10-май. — Sputnik. Милиция кызматкерлери тарабынан сабалган баланын иши токтотулгандыгы тууралуу жабырлануучунун атасы Sputnik Кыргызстан агенттигине билдирди.
29-январда Бишкек шаарындагы Токтогул көчөсү менен Манас проспектисинин кесилишиндеги кафелердин биринин чыга беришинен эки милиция кызматкери 21 жаштагы баланы сабап, ал оор абалда ооруканага жеткирилген.
"Тараптар элдешти. Биздин үй-бүлөнүн милиция кызматкерлерине доосу жок. Алар бизге эч кандай компенсация төлөгөн жок. Жөн гана консенсуска келдик", — деди жабырлануучунун атасы.
Буга чейин Бишкек ШИИБи иштин бети ачылгандыгын билдирген.
Укук коргоо органдарындагы булактын Sputnik Кыргызстан агенттигинин кабарчысына билдиргенине караганда, алар эч жакка кетпөө тууралуу тил кат менен эркиндикке чыгарылган.
Эми соттук териштирүү башталат.
