Бишкекте 21 жаштагы баланы себепсиз сабады деген милиционерлер кармалды

© Sputnik / Жоомарт УраимовДеятельность сотрудников МВД в Кыргызстане
Деятельность сотрудников МВД в Кыргызстане - Sputnik Кыргызстан
Жазылуу
Жабырлануучунун туугандарынын айтымында, 21 жаштагы баланы мас болгон милиция кызматкерлери сабаган. Бишкек ШИИБ шектүүлөр убактылуу кармоочу жайга киргизилгенин билдирди.

БИШКЕК, 7-фев. — Sputnik. Бишкекте белгисиз адамдар тарабынан сабалган жаран боюнча иштин бети ачылды. Бул тууралуу Бишкек шаардык милициянын маалымат кызматынан кабарлашты.

Эске салсак, 29-январда Бишкектеги Токтогул көчөсү менен Манас проспектисинин кесилишинде белгисиз эки  жаран 21 жаштагы баланы сабап кетишкен. Жабырлануучу оор жаракат алып ооруканага жеткирилген.

Маалымат кызматы тараткан кабарга караганда, аталган ишти Ички иштер министрлигинин башчысы өз көзөмөлүнө алган. Ал эми кылмыштын бетин ачуу үчүн Бишкек шаардык ИИБдин эң мыкты кызматкерлери тартылган.

"Свердлов райондук ички иштер башкармалыгынын кылмыш иликтөө бөлүмүнүн 1992-жылкы кызматкери менен Уюшкан кылмыштуулукка каршы күрөшүү башкы башкармалыгынын 1991-жылкы кызматкери кармалды", — деп айтылат маалыматта.

Кол кишенчен адам. Архив - Sputnik Кыргызстан
Кадамжайда 8-класстын окуучусун өлтүрдү деп 15 жаштагы бала кармалды
Эки шектүү тең убактылуу кармоочу жайга киргизилип, Кылмыш жаза кодексинин "Бейбаштык" беренеси боюнча кылмыш иши козголду.

Маалыматта эки кызматкердин тең иштен четтетилгени айтылган. Ал эми алардын жетекчилерине карата тартипке чакыруу өңүтүндөгү чаралар көрүлөрүн маалымат кызматынан кабарлашты.

Буга чейин бул окуяга шектелип Аламүдүн РИИБдин кызматкерлери кармалган. Бирок жүргүзүлгөн сурактан кийин бошотулган. Бишкек шаардык ИИБдин маалымат катчысы Олжобай Казабаев алар жаңылыштык менен кармалганын билдирген эле.

Жаңылыктар түрмөгү
0