БИШКЕК, 5-май. — Sputnik. Астана шаарында эки жаштагы наристе көп кабаттуу үйдүн 5-кабатынан кулап кетип, аман калгандыгы тууралуу Ички иштер департаментине шилтеме берип Sputnik Казакстан жазып чыкты.
Окуя бейшемби күнү болгон. Кырсык тууралуу кабар полицияга саат 16.00дө келип түшкөн.
"Бешинчи кабатта жайгашкан батирдин терезесинен эки жашар бала кулап кеткен. Ал терезедеги чымын-чиркейди тосуучу торду таянып турган экен", — деп айтылат билдирүүдө.
Маалыматка караганда, наристе оор абалда ооруканага жеткирилген.
