Сомалиде ачка калган балдардын саны 1,4 миллионго жетет

© AP Photo / Farah Abdi WarsamehГуманитарный кризис в Сомали
Гуманитарный кризис в Сомали - Sputnik Кыргызстан
Жазылуу
Кургакчылыктын айынан жакыр жашаган үй-бүлөдөн чыккан 40 миңдей бала мектепке барбай калган. Анткени аларга суу, тамак издөөгө туура келүүдө.

БИШКЕК, 3-май. — Sputnik. Сомалиде ачка калган балдардын саны 2017-жылдын аягында 50 пайызга көбөйүп, 1,4 миллионго жетет. Бул тууралуу БУУнун (UNICEF) балдар фонду билдирди.

Аталган уюмдун байкоосуна караганда, тамак-аш жетишпегендиктен 275 миң баланын өмүрүнө коркунуч туулушу ыктымал. Анткени тамак жебей ач калган балдар ар түрдүү ооруларга тогуз эсе көп чалдыгат.

"Кургакчылык, оору, жер которуу сыяктуу жагдайлар баланы өлүмгө алып келиши ыктымал. Андыктан алардын өмүрүн сактоо үчүн тезинен чара көрүшүбүз керек",— деди UNICEF уюмунун Сомалидеги өкүлү Стивен Лоурверьер.

UNICEF уюмунун маалыматтарына ылайык кургакчылыктын айынан жакыр жашаган үй-бүлөдөн чыккан 40 миңдей бала мектепке барбай калган. Анткени аларга суу, тамак издөөгө туура келүүдө.

Жаңылыктар түрмөгү
0