БИШКЕК, 2-май. — Sputnik. Автоунаалардын каттамдарынын коопсуздугун камсыз кылуу максатында 2-майдан 4-майга чейин чейин Бишкек — Нарын — Торугарт автожолунун Боом капчыгайында таштарды атайылап түшүрүү иштери жүргүзүлөт. Бул тууралуу "Кыргызтемиржолу" Улуттук компания" мамлекеттик ишканасы билдирди.
Маалыматка ылайык, саат 9:00дөн 15:00гө чейин Ички иштер министрлигинин Кайгуул милициясы тарабынан автоунаа жолу маал-маалы менен жабылып турат.
"Жолдо 30-40 автомашина чогулуп калса таштарды кулатуу иштери токтотулуп, Кайгуул милициясы тарабынан алар өткөрүлүп турат", — деп айтылат маалыматта.
Эскерте кетсек, таштарды кулатуу иштери жолдун 122-чакырымында болот.
