БИШКЕК, 13-апр. — Sputnik. Август айына чейин Кыргызстан өндүрүлгөн товарлардын сапатын ЕАЭБдин стандарттарына тууралашы керек. Бул тууралуу Sputnik Кыргызстан агенттигинин мультимедиалык борборунда өткөн жыйында Экономика министрлигинин техникалык жөнгө салуу жана метрология башкармалыгынын жетекчиси Султан Ахматов билдирди.
Экономика министрлигинин техникалык жөнгө салуу жана метрология башкармалыгынын жетекчиси Султан Ахматов
Анын айтымында, 12-августтан тарта Кыргызстанда түрдүү товарлардын сапатына талаптарды койгон 18 техникалык регламент күчүнө кирет. Ахматов алар негизинен товарлардын коопсуздугуна багытталганын баса белгиледи.
Ошондой эле темир жол тармагынын инфраструктурасына, пиротехникага, балдар оюнчуктарына, лифттерге, жеңил өнөр жай товарларына, тамак-аш өндүрүшүнө, шире, май, эмеректерге, сүт, эт азыктары сыяктуу бир нече товарларга дагы техникалык талаптар күчөтүлөт.
ЕАЭБдин биринчи 16 техникалык регламенти Кыргызстанда былтыр февраль айынан тарта күчүнө кирген.
