БИШКЕК, 4-апр. — Sputnik. Кыргызстандын премьер-министри Сооронбай Жээнбеков өзгөчө кырдаалдардын алдын алуу боюнча өткөн жыйында район жана айыл аймактардагы абалды жеринен билбеген облус башчыларына нааразы болду.
"Көйгөйлөрдү чечүү үчүн жергиликтүү бийликтин ишин уюштура алган жоксуңар. Азыр ошонун кесепетин тартып жатабыз. Айрым жерлерде керек болсо арыктар менен каналдар тазаланбай, турак жайларды каптап жатат", — деди Жээнбеков.
Өкмөт башчы жергиликтүү тургундарды кооптуу аймактан көчүрүү иштерин тездетүүнү тапшырды.
