БИШКЕК, 14-мар. — Sputnik. Бишкек шаарында шахмат боюнча президенттин кубогу үчүн балдар арасында мелдеш болот. Бул тууралуу Жаштар иши, дене тарбия жана спорт мамлекеттик агенттигинен билдиришти.
Төртүнчү жолу өтө турган мелдеш 17-марттан 26-мартка чейин Агрардык университеттин китепканасында өтөт. Анда 14 жашка чейинки балдар жана кыздар ат салышат.
Спорттук иш-чараны өткөрүүгө олимпиадалык эмес спорттун түрү боюнча дирекция тарабынан 147 миң сом бөлүндү.
