БИШКЕК, 14-мар. — Sputnik. Улуттук коопсуздук комитети "Ата Мекен" фракциясынын депутаты Аида Саляновага тергөө учурунда Кыргызстандан чыгууга тыюу салгандыгын депутаттын адвокаты Улан Жумаков билдирди.
Шейшемби күнү УКМК Аида Салянованы суракка алган болчу. Мекеме депутаттан сырды ачыкка чыгарбоо боюнча тил кат жаздырып алган.
"Биз депутатты камакка алышса керек деп ойлогонбуз. Бирок андай болгон жок. Кыргызстандан сыртка чыгууга тыюу салынды. Эми тергөө учурунда Аида Салянова өлкөдөн чыга албайт", — деди адвокат.
3 Бирдин айы 2017, 14:15
Белгилей кетсек, 2016-жылы декабрь айында Башкы прокуратура Аида Саляновага Юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон. 8-февралда Саляновага карата козголгон кылмыш ишти иликтей турган депутаттык комиссия түзүлгөн.
Февралдын башында Салянованы УКМК суракка чакырып, ал беш саатка чукул созулган.
