БИШКЕК, 3-фев. — Sputnik. Улуттук коопсуздук мамлекеттик комитети мурдагы башкы прокурор, азыркы депутат Аида Саляновадан сурактын материалдарын жарыялабай сактоо боюнча тил кат алганын Sputnik Кыргызстан агенттигине эл өкүлдүн адвокаты Улан Жумаков билдирди.
Салянова Юстиция министринин милдетин аткарып турган маалда кызматтык абалынан кыянаттык менен пайдаланган деп айыпталып жатат. УКМК депутатты шаршемби күнү төрт саатка созулган суракка алган.
"УКМКнын кызматкерлери маалымат таратууга чектөө коюп, сурак материалдарын жарыялабоо боюнча депутаттан тил кат алган. Азырынча сурак лицензияга барып такалганын гана айта алам", — деди Салянова.
Белгилей кетсек, 2016-жылы декабрь айында Башкы прокуратура Аида Салянованын үстүнөн юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.
