Жашоодо дагы ушундай. Күн тийип турганы менен жылытпаса жаман. Ак-Талаа районунун Жерге-Тал айыл өкмөтүндө Капарбек Исаев менен Айгүл Чотурова буга чейин беш баланы тарбиялап келсе, өткөн жылдын октябрь айында үч эмдүү болгон. Сонун кабар! Кудайдын кулагы сүйүнсүн. Бирок бактысы койнуна батпай, кубанып турганы менен каражат жактан кыйын болуп турган кез… Баш калкалар тамы жок, балдарга берер наны тартыш болгон үй-бүлө өкмөттөн жардам сурайт. Сегиз баланын санаасы тынып, өкмөт болбосо башка меценаттар багын ачып калса экен деп тилейли.
Үч эм демекчи, атактуу футболчу Криштиану Роналду экинчи ирет балалуу болгону жатат. Бул ирет ал эгиз балдарды күтүүдө. Албетте, эң бай спортчулардын катарына кирген Криштиану балдарын эч нерседен кем кылбай кылып багары талашсыз. Башкысы 12 мүчөсү аман төрөлсө экен.
Буюрса эгиз балалуу болсо сүрөттөрүн көрүп калаарбыз. Ага чейин фотографтардын жанын кашайткан 7 учурду окууга чакырам.
Эгерде жогорудагы талаптарды эске албасаңыздар уруш чыгып кетиши мүмкүн. Өзгөчө маараке, тойлордо ызы-чуу чыкса массалык мушташка айланат. Ушундай мушташ Дагестанда ММА ачык чемпионатынын алкагында өткөн беттеште күйөрмандар арасында болду. Эми бири-бирин укмуш эле эзгилешиптир. Кененирээк төмөнкү видеодо.
Бул учурда милиция дагы ишке жарабай калат. Анткени спортчулары бар болсо милицияны көтөрө чаап, жаагын Жалал-Абадды, көзүн Көлдү каратып коюшу мүмкүн.
Билеги күчтүү бирди жыкса, билими күчтүү миңди жыгат. Андыктан билим алууга умтулганыбыз дурус. Убакыт өтүп кетти, эс тутумум жакшы эмес десеңиз жаңылышасыз. Буга 80 жаштагы студент карыя анык күбө.
Бүгүн тоолуу райондордо кар жаашы күтүлөт.
Валюта наркы. Бүгүн сомдун баасы долларга карата орто эсеп менен 69.14 (сатып алуу) жана 69.39 (сатуу) сомду түздү.
Мунай баасы. Бишкекте орточо эсеп менен алганда Аи-92 үлгүсүндөгү май 38.00 сом, Аи-95 үлгүсүндөгү бензин 40.50 сом, ал эми дизель майы 35.30 сомдон сатылууда.
Соңку сөз ордуна. Баланын жыты — бейиштин жыты.
Балдарыңыздын бактысын тилеп Исмаил Мамытов
