БИШКЕК, 3-мар. — Sputnik. Кыргызстандык режиссер Тынчтык Акималиевдин "Бүтпөгөн түштөр" аттуу кыскаметраждуу тасмасы Индияда өткөн эл аралык Golden Triangle кинофестивалында "Мыкты кыска метраждуу тасма" номинациясында байге алды. Бул тууралуу "Айтыш фильм" киностудиясынын маалымат катчысы Чолпон Идрисова билдирди.
2 Жалган Куран 2017, 15:41
Маалыматка ылайык, конкурс 23-28-февралда Индиянын тарыхый Бхубанешвар шаарында өткөн.
Белгилей кетсек, кинофестивалдын алкагында Кыргызстан кыска метраждуу тасмалардын өлкөсү аттуу эл аралык кинофестивалда улуттук конкурстун жеңүүчүлөрүнүн кинолору дагы көрсөтүлдү. Атап айтканда төмөнкү режиссерлордун тасмасы тартууланды.
- "Бүтпөгөн түштөр" реж. Тынчтык Акималиев, 2011;
- "Жымжырт" реж. Наргиза Маматкулова, 2012;
- "Чайка" реж. Елизавета Стишова, 2012;
- "Кара далы" реж. Алижан Насиров, 2013;
- "Перегон" реж. Руслан Акун 2013;
- "Топурак" реж. Чолпонай Бөрүбаева 2014;
- "Лифт" реж. Асан Жанталиев, 2014;
- "Таксист" реж. Кымбат Адылбекова, 2015;
- "Олжо" реж. Болсунбек Таалайбек уулу, 2016.
Эске салсак, "Бүтпөгөн түштөр" тасмасы 2011-жылы Кыргызстан кыска метраждуу тасмалардын өлкөсү аттуу эл аралык кино фестивалында калыстардын атайын сыйлыгына татыган.
