БИШКЕК, 1-мар. — Sputnik. Чүй облусунун Аламүдүн районундагы Кара-Жыгач айылындагы мектепке 600дөн ашык кыргыз тилиндеги китептер берилгенин Билим берүү жана илим министрлигинин маалымат кызматы билдирди.
Китептерди тапшыруу аземине министрдин орун басары Салидин Калдыбаев баштаган өкүлдөр катышкан.
Маалыматка ылайык, жыл аягына чейин өлкөдөгү бардык мектептерге "Бирге окуйбуз" долбоорунун алкагында башталгыч класстар үчүн кыргыз тилиндеги китептер тапшырылат.
Калдыбаев өлкөдөгү 2150 мектептин фонду 264 450 даана китеп менен толукталарын кошумчалады.
