БИШКЕК, 1-мар. — Sputnik. Кыргызстандык ардагер спортчу Азизбек Куйкеев Россиядагы чемпионатка катыша турганын Жаштар иши, дене тарбия жана спорт мамлекеттик агенттиги билдирди.
28 Бирдин айы 2017, 16:20
Маалыматка ылайык, 16-марттан 19-мартка чейин Москвада шаарында оор атлетика боюнча ардагерлер арасында Россиянын биринчилиги өтөт.
Куйкеев 50-54 жаштагылар арасында 77 килограмм салмакка чейинки категорияда күч сынашат.
Ардагер буга чейин мындай эл аралык мелдештерде бир топ жеңиштерди багындырган. Алсак, 2013-жылы спорттун чеберлери арасында дүйнө чемпиону болсо, 2014-жылы күмүш медалга татыган. Андан сырткары, оор атлетика боюнча дүйнөлүк кубок үчүн 2014-жылы Азербайжанда жана былтыр Японияда өткөн турнирлерде күмүш медаль тагынган.
