БИШКЕК, 15-фев. — Sputnik. Тоодо сноуборд тээп жүргөн эки кишини жапайы багыш кубалаганы тартылган видео интернетке жарыяланды.
Daily Telegraph басылмасынын маалыматы боюнча окуя Вайоминг штатындагы Жексон-Хоул тоо-лыжа курортунда болгон.
Жапайы багыштын алардын артынан чуркаганын Скотт Аскинг Instagram баракчасына жарыялаган. Досу менен тоодон ылдый зуулдата сноуборд тээп келе жатканда күбө болгон окуядан аман-эсен калган кубанычын жашырган эмес.
