БИШКЕК, 11-фев. — Sputnik. Google компаниясы өзүнүн YouTube Go тиркемесин иштеп чыкты. Бул тиркеме менен видеолорду көчүрүп алса болорун Tech Radar порталы билдирди.
Мындай тиркеменин жасалып жатканы боюнча маалыматтар буга чейин айтылган. Эми аны Google Play дүкөнүнөн жүктөп алууга болот.
Порталдын маалыматына ылайык, бул тиркеме интернеттин ылдамдыгы начар болгон аймактарга ылайыкташкан. Азырынча Android телефонун көтөргөндөр колдоно алат. Колдонуучулар өзүнө жаккан видеолорду эми эч тоскоолдуксуз, ылдам эле жүктөп алышат. Азырынча видеолорду 144p жана 360p көлөмүндө гана мүмкүн.
Ошондой эле видеону тиркемеден чыкпай туруп Bluetooth аркылуу бөлүшүүгө болот.
