УКМК алдына чогулган тарапташтарына Салянова ыраазычылыгын билдирди

Жазылуу
Эл өкүлү Аида Салянова УКМКга сурак берүү үчүн саат 17.40тар чамасында келген. УКМК имаратынын алдында анын 100гө жакын тарапташтары чогулуп, анын чыгарылышын талап кылышкан.

Депутат саат кечки ондон өткөндөн кийин УКМКдан сурак берип чыгып, суукка карабай келип, аны колдоп турган тарапташтарына ыраазычылык билдирди.

"Мындай суукта тоңуп турганыңар болбойт. Эми үйүңүздөргө барыңыздар, барыңыздарга ыраазымын. Бардыгы жакшы", — деди Салянова.

Депутатты УКМК шейшемби күнү да суракка чакырган. Бирок эл өкүлү комитет жыйыны болгондуктан барган эмес. УКМК кайтадан билдирүү жөнтүлөрүн маалымдаган эле.

Белгилей кетсек, 2016-жылы декабрь айында Башкы прокуратура Аида Саляновага карата юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.

Жаңылыктар түрмөгү
0