Салянова УКМКга келген жок — чакыруу кагазы кайра жиберилет

© Sputnik / Табылды КадырбековБрифинг экс-генерального прокурора Аиды Саляновой
Брифинг экс-генерального прокурора Аиды Саляновой - Sputnik Кыргызстан
Жазылуу
Мурдагы башкы прокурор Аида Салянова шейшемби күнү саат 16.00гө суракка чакырылган.

БИШКЕК, 31-янв. — Sputnik. Улуттук коопсуздук кызматы депутат Аида Саляновага чакыруу кагазын кайрадан жиберет. Бул тууралуу ведомстводон кабарлашты.

Салянова шейшемби күнү саат 16.00гө УКМКнын сурагына чакырылган. Бирок бүгүн күч органдын имаратынын алдына депутаттын тарапташтары чогулуп, митинг өткөрүштү. Алар Аида Салянова Жогорку Кеңеште экенин билдиришкен.

"Мыйзамдарга ылайык депутатка чакыруу кагазын кайрадан жиберебиз. Сурак качан болору белгисиз", — деп билдирди УКМКнын маалымат кызматы.

Былтыр декабрь айында Башкы прокуратура Аида Саляновага карата юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.

Жаңылыктар түрмөгү
0