БИШКЕК, 1-фев. — Sputnik. Жогорку Кеңештин депутаты Аида Салянова УКМКга сурак берип чыкканын Sputnik Кыргызстан агенттигинин кабарчысы жеринен билдирди.
7 Тогуздун айы 2016, 14:35
Эске салсак, Аида Салянова бүгүн Жогорку Кеңештин пленардык жыйын аяктагандан кийин 17.40тар чамасында УКМКга сурак берүү үчүн келгенин анын жактоочусу Улан Жумаков билдирген. Депутатты сурак берүү үчүн УКМК шейшемби күнү чакырган, бирок депутат комитетте жыйыны бар экенин айтып, барган эмес. Улуттук коопсуздук мамлекеттик комитети кайтадан билдирүү жөнөтүлөрүн маалымдаган.
Сурактан чыккан эл өкүлү чогулган элге ыраазычылыгын билдирди.
"Мындай суукта тоңуп турганыңар болбойт. Эми үйүңүздөргө барыңыздар, барыңыздарга ыраазымын. Бардыгы жакшы", — деди Салянова.
Белгилей кетсек, 2016-жылы декабрь айында Башкы прокуратура Аида Саляновага карата юстиция министри болуп турган кезде Алексей Елисеевдин адвокаттык лицензиясын кызмат абалынан кыянаттык менен пайдаланып калыбына келтирип берген деп кылмыш ишин козгогон.
