БИШКЕК, 26-янв. — Sputnik. Пауэрлифтинг боюнча дүйнө кубогуна кыргызстандык алты спортчу катышарын Жаштар иши, дене тарбия жана спорт агенттиги билдирди.
Ага ылайык, дүйнөлүк кубок 27-февралдан 3-мартка чейин Дубайда өтөт. Кыргызстандык спортчулар 13-февралга чейин Чолпон-Ата шаарында машыгууларын өткөрөт. Аларды башкы машыктыруучу Аднан Жабраилов даярдоодо. Бул үчүн 312 миң сом каралган.
Кыргызстандын намысын төмөнкү спортчулар коргойт:
- Эсен Калиев;
- Жыргал Оросбаев;
- Раджибали Эшонкулов;
- Адилет Камчибеков;
- Максат Аргымбаев;
- Махаматкул уулу Сагынбек.
Андан сырткары, аларды башкы машыктыруучу Аднан Жабраилов менен машыктыруучу Олег Алчинов коштоп барат.
