БИШКЕК, 24-янв. — Sputnik. Жарандардын кайрылуусунун негизинде өткөн жылы 40 салыкчы түрдүү жазаларды алып, бир кызматкер жумуштан айдалган. Бул тууралуу Мамлекеттик салык кызматынан билдиришти.
Маалыматка ылайык, 2016-жылы ар кандай арыздануулар жана суроолор менен 224 жаран кайрылган. Анын 87си электрондук почта аркылуу келсе, 66 кайрылуу аймактык бөлүмдөргө түшкөн. Андан сырткары, ишеним телефондоруна чалгандар да болгон. Жүздөн ашуу жаранды аталган мекеменин жетекчилиги кабыл алган.
Кайрылуулардын негизинде 20 кызматкерге эскертүү, 15ине сөгүш, бешөөнө кызматкерге катуу сөгүш жарыяланган.
Булардан сырткары кесиптик этиканы сактаганбагандыгы үчүн бир кызматкер жумуштан айдалса, үч салыкчы катуу сөгүш алган. Ошондой эле алты кызматкерге эскертүү берилген.
