"Манас" аэропортуна жакын Дача айылына кулаган учактан каза болгондордун саны 39 кишиге жетти.
БИШКЕК, 22-янв. — Sputnik. Жүк ташуучу Boeing-747 учагы кулаган жерде тазалоо иштери жүрүп жатканын Өзгөчө кырдаалдар министрлигинин маалымат кызматы билдирди.
Учурда кырсык болгон жерде авиакырсыктын кесепеттерин жоюу боюнча (таштандыларды тазалоо) иштер жүрүүдө.
Белгилей кетсек, "Манас" аэропортуна жакын Дача айылына кулаган учактан каза болгондордун саны 38 кишини түзгөн. 22-январда ооруканага оор абалда алып келинген бир жаран каза болду. Ошентип каза болгондордун саны 39 кишиге жетти.
Учурда кырсык болгон жерде авиакырсыктын кесепеттерин жоюу боюнча (таштандыларды тазалоо) иштер жүрүүдө.
Ал үчүн ӨКМден 75 куткаруучу 15 техника, Улуттук гвардиядан 50 киши, ИИМден 70 кызматкер, "Манас" аэропортунан 7 киши, эки трактор, бир кран жана бир жүк ташуучу унаа тартылган.
