БИШКЕК, 17-янв. — Sputnik. Кыргыз өкмөтүнүн маалымат кызматы Дача айылына кулаган учактын биринчи кара ящиги 16-январда табылды деп жаңылышып алганын кабарлады.
Билдирмеге ылайык, кечээ табылган кара ящик учактын фрагменттери гана болгон.
"Учактын биринчи кара ящиги бүгүн 17-январда табылды. Учурда анын экинчисин издөө иштери жүрүп жатат", — деп айтылат маалыматта.
Кара ящиктеги маалыматтарды Кыргызстанга келген мамлекеттер аралык авиациялык комитеттин адистери иликтөөгө алышат.
Эскерте кетсек, 16-январь күнү таң эрте Гонконгдон Стамбулду көздөй келе жатып, Бишкектен май куюу үчүн "Манас" аэропортуна токтомок болгон Boeing-747 учагы Дача айылынын үстүнө кулаган. Кырсыктан акыркы маалыматтар боюнча 38 кишинин көз жумганы белгилүү болду.
Каргашалуу кырсыктын чоо-жайын Sputnik Кыргызстан агенттиги даярдаган материалдан окусаңыз болот>>
