БИШКЕК, 28-дек. — Sputnik. Кыргыз-орус өнүктүрүү фонду 20-декабрга карата алынган маалымат боюнча 612 долбоорду 175 миллион долларга каржылаганы тууралуу фонддун сайтында жазылды.
20 Бештин айы 2016, 15:34
Аталган фонд Кыргызстан Евразия экономикалык биримдигине кирип жаткан мезгилде өлкөнүн экономикасын модернизациялоо максатында түзүлгөн. Анын уставдык капиталы жалпысынан 500 миллион доллардын тегерегинде.
Насыялардын 20 пайызы — тамак-аш өндүрүү тармагындагы ишкерлерге, 18 пайызы — транспорт жана логистика жаатына берилди. Үчүнчү орунда (14 пайыз) курулуш сектору турат.
Бүгүнкү күндө долбоорлорду каржылоого 175 миллион доллар сарпталды. Кайсы аймакта насыялар эң көп алынганын айтсак, Бишкек биринчи орунда (170), экинчи орунда Жалал-Абад облусу (105). Эң эле төмөн көрсөткүчтөр Талас менен Нарын облустарында (19 жана 24 гана долбоор) катталган.
