БИШКЕК, 13-дек. — Sputnik. АКШнын Президенттигине шайланган Дональд Трамп Twitter баракчасында өзүнүн бизнесин 20-январга чейин жыйыштырарын жазып чыккан. Бул тууралуу РИА Новости билдирди.
"Мыйзам мени бул нерсени кылууга милдеттендирген жок. Мен президенттик ишиме жакшылап көңүл буруу үчүн өзүмдүн компанияларымды 20-январга чейин калтырам. Дон жана Эрик аттуу уулдарым, ошондой эле жетекчиликтин мүчөлөрү бизнесимди жетектейт. Менин президенттик мөөнөтүмдө эч кандай жаңы келишимдер түзүлбөйт", — деп жазган Трамп.
Трамптын инаугурациясы 2017-жылдын 20-январында өтөт.