БИШКЕК, 12-дек. — Sputnik. Президент Алмазбек Атамбаев тышкы иштер министри Эрлан Абдылдаевди кабыл алды. Бул тууралуу өлкө башчынын маалымат кызматы билдирди.
Жолугушуу учурунда ТИМ башчысы өлкөнүн тышкы саясатындагы жасалып жаткан иштер тууралуу маалымат берди.
"Эрлан Абдылдаев жакында Германияда өткөн ЕККУ өлкөлөрүнүн тышкы иштер министрлер кеңешинин жыйынына катышуусу жөнүндө айтып берди. Ал жыйында Кыргызстан менен ЕККУ ортосундагы өз ара аракеттенүүнүн натыйжалуулугун арттыруу маселелери талкууланган", — деп жазылат маалыматта.
Атамбаев өнөктөштөр менен теӊ укуктуу мамилени өнүктүрүү менен чет жерлердеги кыргызстандыктардын укугун коргоо маселелерине министрдин көӊүлүн бурду.
