БИШКЕК, 7-дек. — Sputnik. Бүгүн, 7-декабрда, Балыкчы — Чолпон-Ата унаа жолунун 19-чакырымында МAN үлгүсүндөгү унаа менен Нива кагылышты. Бул тууралуу ӨКМ билдирди.
Маалыматка ылайык, кырсык болгон жерде Нива үлгүсүндөгү унаанын айдоочусу Тору-Айгыр айылынын 28 жаштагы тургуну каза болгон.
Куткаруучулар маркумдун кыпчылып калган сөөгүн алып чыгып, милиция кызматкерлерине өткөрүп беришкен.
