БИШКЕК, 23-ноя. — Sputnik. Ушул жуманын аягына чейин Кыргызстанда кар жаай турганын ӨКМ Кыргызгидрометке шилтеме берүү менен билдирди.
Шаршемби күнү, 23-ноябрда кээ бир аймактарга кар түшөт. Чүй, Талас, Ош, Жалал-Абад, Баткен облустарын маал-маалы менен туман каптайт.
24-25-ноябрда дагы айрым аймактарга кар жаайт. Ал эми 26-27-ноябрда түндө өлкөнүн тоолуу аймактарына кар түшөт. Жекшемби күнү Ысык-Көл, Нарын облустарына кар жаап, калган аймактарда күн ачык болот.
Жуманын аягына чейин күн суук болгондуктан жолдор тайгалак болуп, батыштан соккон шамалдын ылдамдыгы секундасына 2-7 метрге жетет.
28-29-ноябрдан тарта күн ачылып, аба ырайы бир аз жылышы мүмкүн.
