БИШКЕК, 11-ноя. — Sputnik. Ноокен районуна караштуу Шайдан айыл аймагындагы Сайдулло, Нургазы колотуна сел тосуучу тосмолор орнотулуп, сел өтүүчү каналдар курулууда. Бул тууралуу ӨКМ билдирди.
Маалыматка ылайык, Нургазы жана Сайдулла колотторунун узундугу болжол менен 4000 метрди түзөт.
"Жаңы-Арык айылындагы 60 кожолуктун турак жайларына, төрт короо сарайга жана 50 гектардан ашык айыл чарба жерлерин сел каптоо коркунучу жаралган. Алдын алуу максатында Нургазы колотуна узундугу 55 метр, туурасы 8 метр, бийиктиги 8,5 метр, Сайдулла колотуна узундугу 48 метр, туурасы 14 метр, бийиктиги 9 метр сел кармоочу тосмо бүткөрүлдү", — деп жазылат маалыматта.
Аталган тосмолорго узундугу 30 метрден 60 метрге чейин каналдарды куруу иштери башталып, ӨКМ тарабынан 9200 килограмм цемент, 1600 килограмм арматура бөлүнүп берилген.
