БИШКЕК, 10-ноя. — Sputnik. Алия Самидин. Кыргызстандын туристтик объектилери тууралуу китептер Астана шаарында өтүп жаткан Eurasia Book Fair – 2016 эл аралык китеп көргөзмөсүндө коюлду. Бул тууралуу атамекендик басма үйүнүн өкүлү Ольга Кадырова билдирди.
Аталган иш-чарага 30дан ашык мамлекеттен келип катышууда.
![Кыргызстандын туристтик объектилери тууралуу китептер Астана шаарында өтүп жаткан Eurasia Book Fair – 2016 эл аралык китеп көргөзмөсүндө коюлду Кыргызстандын туристтик объектилери тууралуу китептер Астана шаарында өтүп жаткан Eurasia Book Fair – 2016 эл аралык китеп көргөзмөсүндө коюлду - Sputnik Кыргызстан](https://sputnik.kg/img/103020/48/1030204830_100:0:1891:1126_600x0_80_0_0_5f6f6572b9c1c112c16559f5e410a251.jpg)
![Аталган иш-чарага 30дан ашык мамлекеттен келип катышууда Аталган иш-чарага 30дан ашык мамлекеттен келип катышууда - Sputnik Кыргызстан](https://sputnik.kg/img/103020/46/1030204691_0:0:4899:3080_600x0_80_0_0_f4ca272279c7087fdf0f663ac828f67d.jpg)
![Китеп көргөзмөсү 12-ноябрга чейин уланат. Китеп көргөзмөсү 12-ноябрга чейин уланат. - Sputnik Кыргызстан](https://sputnik.kg/img/103020/48/1030204882_97:0:1888:1126_600x0_80_0_0_48c013857b509abe250d78958e880d7d.jpg)
Кадырованын айтымында, китеп көргөзмөсүндө Кыргызстанда басылып чыккан 50дөй китеп алынып келген.
"Алардын арасында "Табышмактуу Саймалуу-Таш", "Сырдуу Кыргызстан" туристтик альбому бар. Бул басылмаларда Кыргызстандын кооздугу сүрөттөр менен берилген. Көчмөндөрдүн маданияты тууралуу китепте кыргыздар эле эмес, казактар тууралуу да баяндалат. Ошондой эле Ысык-Көл тууралуу жана кыргыз элинин жомоктору жана эпосу тууралуу китептер дагы бар", — деди Кадырова.
Ал Кыргызстанда басылып чыккан китептер чет жакта басылган китептерден калышпай турганын баса белгиледи. Китеп көргөзмөсү 12-ноябрга чейин уланат.