БИШКЕК, 31-окт.— Sputnik. Бишкекте "Тез жардам" кызматынын автоунаасы күйүп кетти. Бул тууралуу Sputnik Кыргызстан агенттигине ӨКМдин маалымат кызматы билдирди.
Унаанын кырсыкка кабылганы тууралуу кабар дүйшөмбү күнү саат 08:15те келип түшкөн.
ӨКМдин билдирүүсүндө унаа Шабдан баатыр (Алматы) жана Горький көчөлөрүнүн кесилишинде өрттөнүп, мотор чынжыры күйүп кеткен. Өрт 20 мүнөттөн кийин толугу менен өчүрүлгөн.
Кырсыктан эч ким жапа чеккен эмес.
